આવી સુંગધ દૂર કોઈક ખૂણેથી, ને ભાન થોડું ભુલાઈ ગયું,
પરિમિલિત એ હવા માં, વગર પાંખે ઉંડાઇ ગયું,
પરિમિલિત એ હવા માં, વગર પાંખે ઉંડાઇ ગયું,
ઝણકી ઝાઝર સોનેરી, ને તાલનું ઠેક અપાઈ ગયું,
ગાજતા એ રાગમાં, ગીત હેત નું ગવાઈ ગયું,
ગાજતા એ રાગમાં, ગીત હેત નું ગવાઈ ગયું,
ઝલક દેખાઈ એના પડછાયાની, ને ડગલું એક ચૂકાઈ ગયું,
લાગણીના આ દરિયામાં પડતાજ ભાઈ તરતા ભુલાઈ ગયું,
લાગણીના આ દરિયામાં પડતાજ ભાઈ તરતા ભુલાઈ ગયું,
હસ્યું કોઈ ખડખડાટ, ને વગર કારણે હસાઈ ગયું,
મજાકમાં આંસુ એટલા પડ્યા, કે રડતાજ ભુલાઈ ગયું,
મજાકમાં આંસુ એટલા પડ્યા, કે રડતાજ ભુલાઈ ગયું,
એ સામે આવ્યા, ને હૃદય ધબકારો ચુકી ગયું,
ચાલતા ભર તાપમાં, ચંદનનું ઝાડ આવી ગયું,
ચાલતા ભર તાપમાં, ચંદનનું ઝાડ આવી ગયું,
ઝાલ્યો હાથ હાથમાં, ને સમય નું પૈંડું અટકી ગયું,
વખતના એ અલ્પવિરામમાં, વૈકુંઠલોક મળી ગયું,
વખતના એ અલ્પવિરામમાં, વૈકુંઠલોક મળી ગયું,
લઇને ઉભાતાં ખાલી ખોબો, ને સોનુ કોઈક આપી ગયું,
દિશાવિહીન દિન ને, ધનિક કોઈ બનાવી ગયું .......................
દિશાવિહીન દિન ને, ધનિક કોઈ બનાવી ગયું .......................
-ધૈર્ય દેસાઈ